Asteburu honetan, urriaren 14an eta 15ean 'Los Muñecos de la Tarta' azokaren zazpigarren edizioa ospatuko dute Irungo Ficoba erakustazokan. 11:00etatik 14:00etara goizez eta 16:00etatik 20:00etara arratsaldez, azoka zabalik egonen da bisitarientzat eta haien ezkontza prestatzen ari diren bikote guztientzat.
Azokan hogei erakusketari izanen dira eta ezkontza bat prestatzen beharrezko guztia izanen dute bertan; ezkongaientzako soineko eta trajeak, argazkilariak eta bideogileak, DJak, bitxiak, eztei-autoak, jatetxeak, bidaia-agentziak, makillaje eta estetika, izozkigileak…
Urtero 200 bat bikote joaten dira azokara, eta aurten jende gehiago bertaratzea espero dute antolatzaileek, «feriatik bere ezkontza ia osorik antolatuta ateratzean ahal baitira». Joateko asmoa dutenei aurretik hitzordua hartzea gomendatu diete www.losmunecosdelatarta.es helbidean. Hitzordurik ez duena ere lasai joan daiteke, bertan hartuko baitituzte datuak.
Doako aparkalekua izanen da erakustazokan.