Kategoria horretan Espainiako txapelketako lehenengo postua argi zegoen Ivan Gutierrezentzat eta bigarrena lortzeko borrokan baziren lauzpabortz jokalari, beraz, meritu handikoa da Gonzalezen bigarren postuan.
Kategoria berean, Master 50n aritu ziren Baxi Basajauna taldeko bertze ordezkariei dagokienez, Mikel Ibarrola doneztebarra hamabigarren izan zen Jose Joaquin Rouget hamalaugarren. Ibarrolak aipatu digunez, «arras zelai gaiztoa zen, saski luzeekin eta malda dezente, diskoak rolatzeko eta nire besoarentzat zaila. Larunbateko errondak arras gaizki aritu nintzen eta igandean uste dut nere nibela erakutsi nuela (+11)».