Nafarroako bigarren mailako aizkolari txapelketaren finala jokatu zuten igande arratsaldean Uharteko Toki-Alai pilotalekuan. Iban Resano suertatu zen txapeldun. Bi kanaerdiko, bi 60 ontzako eta oinbiko bat mozteko 19 minutu eta 56 segundo behar izan zituen. 48 segundora, bigarren, Aresoko Asier Pellejero izan zen (20.44). Txapeldunak nahiz txapeldunordeak lehen mailan aritzeko txartela lortu dute.
Dezente beranduago akitu zuten bertze hiru aizkolariek. Julen Kañamaresek osatu zuen podiuma eta 23 minutu eta 25 segundo behar izan zituen lanak burutzeko. Beintza-Labaiengo Jesus Etxeberria laugarren izan zen (24.34) eta Goizeder Belza bosgarren (25.41).