Iruñeko Mañueta pilotalekuan San Fermin txiki txapelketa jokatu zuten igandean Ados pilota elkarteko pilotariek, Alde Zaharreko Besta Batzordeak antolatuta. Gaztetxoen kategorian, Amaiur Landa beasaindarrak eta Iraide Iriarte Petrirena sunbildarrak 18-16 irabazi zieten Irati Altxu Martin eta Dunixe Alberro Isasi iturendarrei. Kategoria nagusian, berriz, Aldaregiak eta Iturriaga leitzarrak 22-15 irabazi zieten Arrietari eta Ruiz de Larramendiri.
