Emakumezkoen Euskal Herriko Aizkolari Txapelketaren kanporaketa jokatu zen larunbatean Hernanin. Bederatzi aizkolari aritu ziren lanean, finalean aritzeko eskubidea ematen zuten sei txarteletako bat eskuratzeko. Nerea Arruti urnietarra izan zen onena (9:31), eta gibeletik izan zituen Nerea Sorondo beratarra (10:20), Oihana Fernandez de Barrena arabarra (12:32), Maika Ariztegi iturendarra (14:11) Malen Barrenetxea hernaniarra (16:02) eta Ane Zapirain astigarragarra. (16:09).
Kanporaketako lana kanaerdiko bat, 45 ontzako bat et 36 ontzako bat moztea zen
Xanta Sousa lesakarra zazpigarren izan zen (16:13). Beraz, lau segundo soberan izan zituen finalera sartzeko. Bosgarren postua ere hamaika segundo eskasera izan zuen lesakarrak eta pena horrekin bueltatu zen. Beatriz Tanco sarrigurendarra zortzigarren izan zen (18:43) eta Garazi Arruti bilbotarra bederatzigarren (18:45).
Beraz, Arrutik, Sorondok, Fernandez de Barrenak, Ariztegik, Barrenetxeak eta Zapirainek lortu dute urriaren 15ean Elgoibarren jokatuko den finalerako txartela. Finalean lan bikoitza egin beharko dute: bi kanaerdiko, bi 45 ontzako eta bi 36 ontzako.