Ados pilota elkarteak hirugarren aldiz antolatutako Plazaz Plaza txapelketako lehen faseko azken jardunaldia jokatu zuten larunbatean Bernedon. Lehendik zenbait gauza finkatuak baldin baziren ere, azken jardunaldi horretan erabaki ziren azkenak. Ibarrolak eta Mendiburuk 22-15 irabazi zieten Naroa Elizalde Etxekolonea zubietarrari eta Orbegozori.
Finalerdiak irailaren 17an Getarian eta irailaren 23an Etxaurin
Gauzak honela, horrela gelditu dira finalerdietako gurutzaketak, Irailaren 17an, Getarian (Gipuzkoa) jokatuko den lehen finalerdian, Iera Agirre Iturriaka leitzarra eta Ruiz de Larramendi, Barrokal eta Agirreren kontra ariko dira. Irailaren 23an Etxaurin jokatuko den bigarren finalerdian, berriz, Goiuri Zabaleta Rodriguez leitzarra eta Mujika, Ibarrola eta Orbegozoren kontra ariko dira.
Finala irailaren 30ean jokatuko dute Azkoitian.