Baztango BKT eta Errekako senior mailako emakumeen taldeek sasoi berriari ekin diote eta asteazken arratsaldean elkarren arteko lagunarteko partida jokatu zuten Elizondoko kiroldegian. Etxeko taldea nagusitu zen, 30-23, baina ez zen topaketaren alderdirik garrantzitsuena izan, «borrokan eta lanean segitzen baitugu emakumezkoen eskubaloia Baztanen zein Malerrekan handi izaten segitzeko».
Baztango BKT eskubaloi taldeak bere sare sozialetan zabaldu duenez, «denboraldi honen hasiera zorrotza izaten ari da, Nafarroako Gobernuak ezarritako betebehar burokratikoen ondorioz, gure antzeko klub ttikiak estutzen ari direlako. Halere, borrokalariak garenez, motorrak berotzen hasi gara gure indarrak Errekarekin neurtuz».