Antonio Alustiza aresoarrak 21. txapela jantzi du Nafarroako Artzain Zakur Txapelketan

Ttipi-Ttapa 2023ko abu. 28a, 11:00

Nafarroako Artzain Egunaren barrenean, atzo arratsaldean Nafarroako Artzain Zakur Txapelketaren 55. edizioa jokatu zuten Uharte Arakilen. Txapela Antonio Alustiza aresoarrarentzat izan zen; Ttiki zakurrarekin lehenbiziko postua lortu zuen eta Bat zakurrarekin hirugarrena. Oronoz-Mugairiko Jorge Oteizak laugarren egin zuen.

Uharte Arakilgo Gainberako belaian jokatu zuten atzo txapelketa, eta Alustizak bere 21. txapela jantzi zuen. Ttiki zakurra izan zuen ondoan, eta honekin hirugarren aldiz irabazi du Nafarroako txapela. Bat zakurrarekin ere parte hartu zuen, eta honekin hirugarren postuan gelditu zen.

Honela gelditu zen sailkapena:

  1. Antonio Alustiza Ttiki zakurrarekin.
  2. Jexux Razkin Mendi zakurrarekin.
  3. Antonio Alustiza Bat zakurrarekin..
  4. Jorge Oteiza Lagun zakurrarekin.
  5. Aritz Ganboa Txistu zakurrarekin.
  6. Javier Fernandez Txikito zakurrarekin.

Lehenbiziko bi sailkatuek irailean Bizkaiko Axpe herrian jokatuko den Euskal Herriko Artzain Zakur Txapelketan Nafarroa ordezkatuko dute. Tartean izanen da Alustiza.

 

Gizartea

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun