Igandean jokatutako kadete mailako proban hirugarren izan zen Aurrerako Ioritz Dorronsoro leitzarra
Kadete mailako txirrindulariei zuzendutako Berako Sariaren XIX. edizioa egin zen uztailaren 30ean. 57 txirrindularik parte hartu zuten igandeko proban eta horietatik zortzi bakarrik ailegatu ziren helmugara. Ipar Maquina taldeko Joan Cardonak erabateko nagusitasuna erakutsi zuen. Hirugarren itzulian ihes egin zuen tropeletik eta helmugara bakarrik ailegatzea lortu zuen (12 itzuli eman zizkioten zirkuitu azkar bati, 48 kilometro osatuz). Ordubete, 9 minutu eta 56 segundo behar izan zituen.
Tropel ttikia minutu eta 7 segundora helmugaratu zen, eta bigarren postua lortzeko sprint estuan, Danena elkarteko Oier Arana nagusitu zitzaion Aurrera kirol elkarteko Ioritz Dorronsoro Iparragirre leitzarrarri.
Sari banaketan, Aitor Elexpuru Berako alkatea, Jaione Dozagarat Gure Txokoa elkarteko presidentea, Joseba Lasarte txirrindularitza saileko arduraduna izan ziren.