Astelehenean ailegatu zen Euskarabentura Lesakara. Oiartzundik Lesakarako bidea egin zuten oinez, eta bertan, Maddi Ane Txoperena idazle, kazetari eta idazle lesakarrak espedizioko emozioen kontaketari buruzko tailerra eman zien.
Biharamunean Lesaka eta Urdazubi arteko bidea osatu zuten eta bertan Aranzadi Zientzia elkarteko Mikel Etxeberriak basoeen eta landareen inguruko solasaldia izan zuten.
Asteazkenean, aldiz, Urdazubi eta Amaiur arteko bidea osatu zuten oinez. Bertan, gaztelura joan ziren eta Asisko Urmenetaren hitzaldia izan zuten. Handik Baionarako autobusa hartu zuten, eta beraz, eskualdea ere gibelean utzi zuten.
Geroztik, azken egunak Lapurdiko kostaldean eman dituzte, eta gaur Lapurdi utzi eta Gipuzkoara joanen dira, Donostiara. Heldu den egunak Gipuzkoan eta Bizkaian emanen dituzte, eta hilaren 31n bukatuko dute espedizioa Getxon.