Asteleheneko jaialdiko lehen partidan, Goikoetxea V.ak eta Barrenetxea IV.ak (Oialume Zar) 0-2 galdu zuten Ansa II.a eta Zalduaren kontra (Aburuza). Halere, Aburuzakoak txapelketatik kanpo gelditu dira eta Oialume Zar ligaxkako laugarren gelditu da.
Jaialdiko azken partidan, Urriza eta Martirenak (Alorrenea) 2-0 irabazi zieten Aldabe eta Azpirozi (Petritegi). Honela, Petritegi finalerdietatik kanpo gelditu da eta Alorreneak ligaxkako lehen postua eskuratu du.
Honela, finalerdietan, Alorrenea eta Oialume Zar, alde batetik eta Gurutzeta X Txuleta eta Bereziartua, bestetik, ariko dira. Finalean, beraz, eskualdeko erremontista bat gutxienez egonen da.