Euskal Herriko lehen mailako aizkolari txapelketako finala lehen aldiz Iruñeko Navarra Arenan jokatuko da azaroaren 1ean. Hain zuzen, irailaren 16an Donezteben jokatuko den kanporaketako sei onenak lehiatuko dira Iruñeko finalean.
Doneztebeko kanporaketa horretan hamar aizkolari ariko dira eta Zigako Joxean Etxeberria izanen da eskualdeko aizkolari bakarra. Berekin batera, Iker Vicente, Iban Resano, Oier Kañamares eta Xuban Kañamares nafarrak, Gipuzkoako Jokin Urretabizkaia, Xabier Zaldua, Hodei Ezpeleta eta Julen Gabirondo eta Araban federatua dagoen Alvaro Garcia segoviarra lehiatuko dira. Sei onenek lortuko dute finalerako txartela. Finalean kau kanerdiko, lau 60 omtzako eta lau 72 ontzako enbor moztu beharko dituzte.
Txapelketa ofizialik ez, baina aizkora saioa lehendik ere egina da Iruñeko Navarra Arenan. Hain zuzen, Iker Vicentek Covidaren ikerketarako dirua biltzeko erakustaldia egin zuen duela hiru urte, 2020ko ekainaren 14an. Hamalau kanaerdiko mozten marka berria egin zuen (26 minutu eta 46 segundo), lehendik Donato Larretxeak zuena (27 minutu eta 17 segundo) hobetuz.