Baztan-Errekako XLIII. laxoa txapelketako seigarren jardunaldia jokatuko dute asteburu honetan. Lau partidetatik hiru bai bederen, Irurita Arkupe eta Irurita Migelene taldeek elkarren artean jokatu beharrekoa gibeleratu baitute, herriko bestak direla eta.
Gauzak honela, Donezteben larunbat arratsaldean eta Arraiozen igande arratsaldean jokatuko dituzte partidak. Bear Zanan, 16:00etan Doneztebe Apeztegia eta Oizen arteko lehia izanen dute eta segidan, 18:00etan, Doneztebe Avia eta Doneztebe The Moment taldeen artekoa.
Arraiozen, herriko bi taldeen arteko lehia izanen dute igandean 16:30ean: Arraioz Zubiondoa, Arraioz Sagardiaren kontra.