Honatx kalteren bat izanez gero segitu beharreko urratsak:
- Bilatu lehen lehenik kaltetutako autoaren edo etxeko asegurua. Berrikusi etxeko polizaren baldintza bereziak eta baldintza orokorrak, izandako kalteak barne hartzen dituen jakiteko. Autoaren kasuan, aski da nahitaezko asegurua izatea.
- Ohikoa denez, polizak aparteko arriskuak baztertzen baditu, eta horien artean uholdeak badaude, Aseguruen Konpentsazio Partzuergoari jakinarazi beharko zaio, kalteak gertatu eta zazpi eguneko epean. Hobe idatziz eginez gero. Partzuergoaren kalte-ordaina jasotzeko eskubidea izateko, zure aseguruaren ordainketak egunean izan behar dituzu. Erakunde hau zure aseguru etxeari ordaintzen diozun primaren zati batekin finantzatzen da. Jarri harremanetan azken honekin zalantzarik baduzu. Telefonoz (900 222 665) edo online (www.consorseguros.es) parte har dezakezu.
- Kaltetutako ondasunen hondarrak kontserbatzea eta, hori ezinezkoa baldin bada, horien lekukotza ematen duten argazkiak ateratzea, perituak baloratu ahal izan ditzan. Hala ere, kaltetutako objektuak edo higiezinak lehenbailehen konpondu edo garbitu behar badira, garrantzitsua da, argazkiez gain, jakinaraztea eta egindako lanen fakturak gordetzea. Gainerakoan, gerta liteke aseguruen partzuergoak ezbeharrari uko egitea edo benetan izandako kaltea baino gutiago den kalte-ordaina ematea.