Nafarroako launakako sokatira txapelketan gizonezkoen eta emakumezkoen pisu arinetako (300 eta 235 kilo) txapelketako lehen tiraldiak egin zituzten maiatzaren 13an, larunbat arratsaldean Antsoainen. Beti Gazteko taldeak nagusitu ziren tiraldi guztietan.
Emakumeen 235 kiloko kategorian Amaiur, Beti Gazte, Antsoain, Araxes A eta B eta Txantrea lehiatu ziren eta Beti Gaztek tiraldi guztiak irabazi zituen, 6 puntu eskuratuz. Bigarren postuan berdindu egin zuten Amaiur eta Araxes A taldeek (4,5 puntu), Araxes laugarren izan zen (3 puntu) eta azken postua saihesteko borrokan, berdindu egin zuten Antsoainek eta Txantreak (1,5 puntu).
Gizonezkoen 300 kiloko kategorian, Beti Gazteren gibeletik (4 puntu), Berriozar (3 puntu), Amaiur (2 puntu) eta Txantrea (puntu 1) sailkatu ziren.
Kadeteak (eskualdeko ordezkaririk gabe) eta 20 urtez beheitikoak (Amaiur da eskualdeko ordezkari bakarra) ere lehian aritu ziren Antsoainen, bigarren jardunaldian. Amaiur azkena izan zen.
Azken tiraldiak larunbatean Elizondon
Maiatzaren 20an Elizondon, azkenik, pisu arinetako bigarren jardunaldia eta kadete eta 20 urtez beheitiko hirugarren jardunaldi erabakigarriak jokatuko dituzte, sokatira denboraldiari akabaila emateko.