Nafarroako launakako sokatira txapelketan gizonezkoen eta emakumezkoen pisu astunetako eta txapelketa mistoko txapelak Lesakako Beti Gaztek jantzi ditu. Gizonezkoen eta emakumezkoen pisu arinetako (300 eta 235 kilo) txapelak paratuko dituzte orain jokoan. Maiatzaren 13an, larunbat arratsaldean Antsoainen jokatuko dituzte lehen tiraldiak.
Emakumeen 235 kiloko kategorian Amaiur, Beti Gazte, Antsoain, Araxes A eta B eta Txantrea lehiatuko dira eta gizonezkoen 300 kiloko kategorian, Amaiur, Beti Gazte, Berriozar eta Txantrea.
Kadeteak (eskualdeko ordezkaririk gabe) eta 20 urtez beheitikoak (Amaiur da eskualdeko ordezkari bakarra) ere lehian ariko dira Antsoainen, bigarren jardunaldian.
Maiatzaren 20an Elizondon, azkenik, pisu arinetako bigarren jardunaldia eta kadete eta 20 urtez beheitiko hirugarren jardunaldi erabakigarriak jokatuko dituzte, sokatira denboraldiari akabaila emateko.