Laxoa Elkarteak antolatutako XLIII. Baztan-Erreka laxoa txapelketako laugarren jardunaldiko partidak jokatuko dituzte asteburu osoan: gaur Oizen eta larunbat eta igandean Donezteben.
- Maiatzaren 5ean, ortziralean 17:00etan Oizen, etxeko talde eta Doneztebe The Moment izanen dira aurrez aurre.
- Maiatzaren 6an, larunbatean 17:00etan Doneztebeko Bear Zanan ariko dira Irurita Arkupe eta Doneztebe Apeztegia. Berez Iruritan jokatu behar zen, baina Iruritako taldeak bere partida kanpoko taldearen plazan jokatuko du.
- Maiatzaren 7an, igandean, berriz, Doneztebe eta Arraiozko taldeen arteko bi partida izanen dira, berriz ere Doneztebeko Bear Zanan. 16:00etan Doneztebe Titi eta Arraioz Zubiondoa ariko dira nor baino nor gehiago eta 18:00etan Doneztebe Avia eta Arraioz Sagardia.