Harrera familia bihurtu nahi izanez gero, telefono hauen bidez Saharaztanekoekin harremanetan jarri behar da:
- Baztanen, Urdazubin eta Zugarramurdin: 659 55 30 14
- Malerrekan eta Bertizaranan: 635 59 93 06
- Bortzirietan: 646 43 14 35
Urte saila ditu Oporrak Bakean egitasmoak, Saharako haur errefuxiatuei sufritzea tokatu zaien errealitatetik denboraldi batez atera eta gurean osasun, elikadura eta aisialdi eskaintza aberasteko helburua duen programak. Eta Saharaztan elkartea da Baztan-Bidasoaldean horretaz arduratzen dena.
Zortzi-bederatzi urte inguruko neska-mutikoak etortzen dira; «hemen, norbere etxean, egokitu eta egunerokoa eman beharko zaie. Elikadura emanez, osasun arreta bermatuz, gure hizkuntza eta bizimoduak erakutsiz...». Baina hortik haratago, bueltan hartzen dena haundia da Saharaztanen hitzetan: «Trukean esperientzia aberasgarria utziko dute».