Udaberriko erremonte profesionaleko CaixaBank Sari Nagusiko final laurdenetako ligaxkako jardunaldia jokatuko dute apirilaren 29an Azkoienen. Larunbatean 19:00etan hasiko den jaialdiko bigarren partidan, txapelketakoan, Xanti Uterga doneztebarra eta Barricart, Eloi Otxandorena doneztebarraren eta Ionen kontra ariko dira.
Azkoiengo Vicente Lacalle pilotalekuan jokatuko den jaialdia hasteko, Jon Sagaseta iruritarra eta Baztan, Oses eta Martxel Leatxe doneztebarraren kontra ariko ariko dira.
Txapelketako jaialdi guztietan bezala, hamar euroko sarrera ordaindu beharko da, ADANO elkartearen alde. 16 eta 22 urte bitartekoek bortz euro ordaindu beharko dituzte eta hamasei urtetik beheitikoek doan izanen dute sarrera. Erremontisten kamisetak zozketatuko dituzte ikusleen artean.