Malerrekako erremontistek garaipenak lortu dituzte Udaberriko erremonte profesionaleko txapelketako igandeko jardunaldi bikoitzean

Ttipi-Ttapa 2023ko api. 24a, 11:00

Iruritako lehia estuan, Xanti Utergak eta Barricartek (urdinez) 35-33 irabazi zieten Zeberio II.ari eta Otanori.

Iruritako Aranabian, Utergak eta Barricart-ek 35-33 irabazi zieten Zeberio II.a eta Otanori eta Ororbian Jabalera eta Saldiasek 35-33 Matxin III.a eta Agirrezabalari

Udaberriko erremonte profesionaleko Caixabank Sari Nagusiko final laurdenetako ligaxkako jardunaldi bikoitza izan dute apirilaren 23an eta bietan garaipena lortu dute Malerrekako erremontistek. Igande arratsaldean Iruritako Aranabian jokatutako partidan Xanti Uterga doneztebarrak eta Barricart-ek 35-33 irabazi zieten Zeberio II.a eta Otanori. Goizean, Ororbian, Aimar Jabalera doneztebarrak eta Aimar Saldias oiztarrak 35-33 irabazi zieten Matxin III.ari eta Agirrezabalari.

Iruritako jaialdia hasteko, berriki profesionaletan hasiak diren herriko bi semeren arteko lehia ikusteko aukera izan zuten. Xuban Iturregi eta Jon Sagaseta aritu ziren aitzineko kuadroetan, gibelean Ion eta Aimar Saldias oiztarrak lagun zituztela, hurrenez hurren. Iturregik eta Ionek 30-2 irabazi zieten Sagaseta eta Saldiasi.

Igande goizean Ororbian

Iruritako jaialdiaren aitzinetik, igande goizean, txapelketako bertze partida jokatu zuten Matxin III.ak eta Agirrezabalak, estrainekoa zuten Aimar Jabalera doneztebarraren eta Aimar Saldias oiztarraren kontra. Malerrekakoak nagusitu ziren, 33-35. Jaialdiko lehen partidan, Eloi Otxandorena doneztebarrak eta Baztanek 27-30 galdu zuten Oses eta Dabid Mitxeo doneztebarraren kontra.

Kirola Baztan Malerreka Irurita Doneztebe Oiz

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun