Hauteskunde Araubide Orokorrari buruzko ekainaren 19ko 5/1985 Lege Organikoan bildua dagoenez, biztanleriaren araberakoa da zinegotzi kopurua:
- 100 biztanlera bitarte 3 ordezkari
- 101-250 biztanleren artean: 5 ordezkari
- 251-1.000: 7 ordezkari
- 1.001-2.000: 9 ordezkari
- 2.001-5.000: 11 ordezkari
- 5.001-10.000: 13 ordezkari
- 10.001-20.000: 17 ordezkari
- 20.001-50.000: 21 ordezkari
- 50.001-100.000: 25 ordezkari
- 100.001 egoiliarretik aitzinera, bertze zinegotzi bat 100.000 egoiliarreko, eta beste bat gehituko da emaitza zenbaki bikoitia bada.
Eta eskualdean zer?
| UDALERRIA | BIZTANLERIA | ZINEGOTZI KOPURUA |
| ARANO | 111 | 5 |
| ARANTZA | 591 | 7 |
| ARESO | 270 | 7 |
| BAZTAN | 7.851 | 13 |
| BEINTZA-LABAIEN | 213 | 5 |
| BERA | 3.771 | 11 |
| BERTIZARANA | 599 | 7 |
| DONAMARIA | 465 | 7 |
| DONEZTEBE | 1.823 | 9 |
| ELGORRIAGA | 215 | 5 |
| ERATSUN | 150 | 5 |
| ETXALAR | 830 | 7 |
| EZKURRA | 138 | 5 |
| GOIZUETA | 694 | 7 |
| IGANTZI | 583 | 7 |
| ITUREN | 515 | 7 |
| LEITZA | 3.029 | 11 |
| LESAKA | 2.752 | 11 |
| OIZ | 124 | 5 |
| SALDIAS | 120 | 5 |
| SUNBILLA | 677 | 7 |
| URDAZUBI | 330 | 7 |
| URROZ | 177 | 5 |
| ZUBIETA | 296 | 7 |
| ZUGARRAMURDI | 202 | 5 |
Zerrenda irekiak
250 biztanle baino guttiago dituzten udalerrietan zerrenda irekiak izaten dira, hau da, botoak hautagai bakoitzarentzat izaten dira, ez gainerakoetan bezala alderdientzat. Ehun biztanle baino gehiago baldin badituzte, talde bakoitzak gehienez hiru laguneko zerrenda aurkezten ahal du, eta 101 eta 250 biztanle baditu gehienez bortz laguneko zerrenda. Eskualdean hori da Arano, Beintza-Labaien, Elgorriaga, Eratsun, Ezkurra, Oiz, Saldias, Urroz eta Zugarramurdiko kasua. Udalerri horietan boto emaile bakoitzak gehienez ere bortz hautagairi eman diezaioke botoa. Hautagai bakoitzak dituen botoak zenbatzen dituzte eta boto gehien biltzen dituzten bortz ordezkariak hautatzen dituzte udal ordezkari. Boto kopuruan berdinketa izaten baldin bada, zozketa bidez erabakitzen dute.