Nafarroaren Eguneko Kulturaldia Urepelen abiatuko da apirilaren 13an

Ttipi-Ttapa 2023ko api. 12a, 19:00
Deskargatu Info Ahotsak :
es en fr

'Azken dantza maisua' dokumentala emanen dute ortzegun ilunabarrean Urepelen.

Baigorriko Basaizea Kultur Batasunak antolatuta, Nafarroaren egunaren 43. edizioa ospatuko da apirilaren 30ean. Egun handia apirileko azken igandea bada ere, aitzinetik ere ikusgarri gehiago prest dituzte, Baigorrin eta inguruko herrietan. Hain zuzen, Kulturaldiaren lehen emanaldia apirilaren 13an, ortzegunean 20:00etan izanen dute Urepeleko Amerikanoenean. Beasaingo dantza taldeak eta Bira Produkzioak-ek egindako Azken dantza maisua dokumentala eskainiko dute. SartzeaK 5 euro balio du.

Asteburuan gehiago

Ondotik, asteburu honetan berean, ekitaldi gehiago ere izanen dira.

Apirilaren 14an, ortziralean, 18:30ean, Popo Larreren oroimenez egindako Bolante baten historia filma emanen dute Baigorriko Bil Etxean, Lagunduren eskutik. Sartzea urritik izanen da. Filma proiektatzeaz gain, ezagutu zutenen lekukotasunak izanen dira eta haren atzemateko egin diren ikerketak aurkeztuak izanen dira. Popo bezala desagertu diren militanteak ere aipatuko dira, hala nola Pertur eta Naparra, Euskal Memoria Fundazioko kideekin.

Apirilaren 15ean, larunbatean, 11:00etan, Beñat eta Unai Gaztelumendiren Bidea da borroka komiki aurkezpen kantatua eginen dute Ortzaizeko Menta liburutegian. Sarrera urririk.

Kultura Baztan Xareta

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun