Joan den igandean Lodosan jokatu zen Villa de Lodosa Ebroko laugarren Ipar Martxa proba. 2023ko Nafarroako Ipar Martxa txapelketa ere bertan erabaki zen eta Ttuku Ttuku Ipar Martxa taldeko hiru ordezkari podiumera igo ziren. Ainara Unanua gartzaindarra txapeldun izan zen senior mailako emakumeen artean eta Ramontxo Arandia beratarra eta Jon Medrano elizondoarra bigarren eta hirugarren senior mailako gizonezkoen artean, Marcha Nórdica Azagra taldeko Pedro Romeroren ondotik.
