Iruñeko alde zaharreko bederatzigarren erremonte txapelketako seigarren jardunaldia, lehen faseko azkena jokatuko dute martxoaren 24an, ortziralean 19:00etatik aitzinera Iruñeko Labrit pilotalekuan. Hirugarren postua bertzerik ez dute jokoan izanen Zeberio II.ak eta Ionek eta Aimar Jabalera eta Barricart-ek, martxoaren 31ko finaleko protagonistak zein izanen diren jakina baita dagoeneko.
Txapelketako partidaren aitzinetik, Erremonte Fundaziotik ateratako profesional berrien arteko partida jokatuko dute: Xuban Iturregi iruritarra eta Baztan, Jon Sagaseta iruritarraren eta Dabid Mitxeo doneztebarraren kontra.
Hamasei urtetik goitikoek 10 euroko sarrera ordaindu beharko dute, ADANO elkartearen alde.