Nafarroako Gobernuak, Migrazio Politika eta Justizia Departamentuaren eta Ogasun Departamentuaren bitartez, sare sozialetan kanpaina bat hasi zuen atzo, Foru Berria indarrean sartu baino lehen Nafarroako udaletan eratuta zeuden bikote egonkorrak beren egoera erregularizatzera animatzeko. Izan ere, ondorio guztietarako, elkartze horiek ez dute legezko baliorik gaur egun, eta beharrezkoa da hortaz bertze eraketa bat egitea, bai Bikote Egonkorren Erregistro Bakarrean (RUPE), bai hitzarmena sinatu duten 137 udaletan, bai notarioaren bidez.
Abantaila fiskalak 2023ko abenduaren 31ra arte
Ildo horretan, Nafarroako Gobernuak gogorarazi nahi du Bikote Egonkorren Erregistro Fiskalean inskribatuta zeuden eta 2024ko urtarrilaren 1a baino lehen aipatutako bideetatik egoera erregularizatu ez duten bikote guztiak ez direla ezkontideekin fiskalki parekatuak izango, Bikote Egonkorren Erregistro Fiskalak egun horretatik aurrera ondorioak izateari utziko baitio.
Nafarroako Foru Ogasuneko Bikote Egonkorren Erregistro Fiskalean inskribatuta ez zeuden eta Bikote Egonkorren Erregistro Bakarrean (RUPE) inskribatuta ez dauden bikoteek ezin izanen dute zerga bateraturik ordaindu 2022ko ekitaldiko PFEZaren Aitorpenean, ez ondorengoetan. Era berean, ezin izanen dira parekatu ezkontideekin Dohaintza eta Oinordetzen gaineko Zergetan, eta ez dute senidetasunik gabeko arrotz gisa tributatuko, eta biei ez zaie aplikatuko Eskualdaketen gaineko Zergaren tasa murriztua, familia-unitatearen ohiko bizilekua den etxebizitzaren gainekoa denean.
Nafarroako Foru Ogasuneko Bikote Egonkorren Erregistro Fiskalean inskribatuta ez zeuden eta Bikote Egonkorren Erregistro Bakarrean (RUPE) inskribatuta ez dauden bikoteek ezin izanen dute zerga bateraturik ordaindu 2022ko ekitaldiko PFEZaren Aitorpenean, ez ondorengoetan. Era berean, ezin izanen dira parekatu ezkontideekin Dohaintza eta Oinordetzen gaineko Zergetan, eta ez dute senidetasunik gabeko arrotz gisa tributatuko, eta biei ez zaie aplikatuko Eskualdaketen gaineko Zergaren tasa murriztua, familia-unitatearen ohiko bizilekua den etxebizitzaren gainekoa denean.
Eskubideen murrizketak
Bertzalde, aipatutako hiru bideetatik Bikote Egonkorren Erregistro Bakarraren tramitea formalizatu ez duten bikote egonkorrek zailtasunak izan ditzakete hainbat eremutan zenbait eskubide onartuak ikusteko.
Eremu horiek honako hauek lirateke: bikotea osatzen duten pertsonen arteko harreman pribatuak (familia eta oinordetza eskubideak, etxebizitza, seme-alabak, adopzioak eta abar), lan-eremuan eta funtzionarioen esparruan (elkartzeko nahiz aitatasun eta amatasun baimenak edo Nafarroako Foru Komunitateko Administrazio Publikoan funtzionarioen eskubideak), alarguntza pentsioak edo bertze esparru batzuk, hala nola bekak, laguntzak, dirulaguntzak, bikotearen osasun estaldura edo heriotzagatiko etxebizitza kontratuaren subrogazioa. Hemen zehazten diren kasu horietan guztietan, bikoteko kideek bertze frogabide batzuetara jo beharko dute lotura horrek dakartzan kalteekin egiaztatzeko.