Zazpi jardunaldi jokatu dituzte denera, eta horietatik sei jardunalditan nagusitu dira lesakarrak, sei txapela lortuz. Iaz egindako marka berdindu dute horrela.
Munduko txapelketara
Euskal Herriko txapelketak bukatuta, martxoaren 8tik 11ra jokatuko dute Ipar Irlandako Parkgate herri ttikian Munduko sokatira txapelketa eta bertan ere izanen dira eskualdeko ordezkariak.. Astelehenean hartzekoa dute bertara joateko hegaldia Beti Gazteko tiralariek, baita bertze zenbait taldetan (Antsoain, Berriozar eta Beti Gazten ere) ariko diren amaiurtarrek ere. Asteartean pisaketak izanen dituzte eta asteazken eta ortzegunean klub arteko txapelketa jokatuko dute eta ortzirale eta larunbatean nazioartekoa. Lesakako Beti Gaztek ordezkatuko du Basque Country kategoria gehienetan.