| Udala / Kontzejua | Transferentzia arruntak 2023 (1. zatia) |
| Arano | 28.259,24 € |
| Arantza | 118.509,35 € |
| Areso | 73.029,32 € |
| Baztan | 1.425.462,71 € |
| Beintza-Labaien | 53.362,76 € |
| Bera | 561.629,39 € |
| Bertizarana | 100.859,44 € |
| Legasa | 14.481,51 € |
| Narbarte | 19.041,26 € |
| Oieregi | 5.003,42 € |
| Donamaria | 95.948,94 € |
| Doneztebe | 368.260,56 € |
| Elgorriaga | 43.400,30 € |
| Eratsun | 32.676,12 € |
| Etxalar | 150.543,07 € |
| Ezkurra | 32.894,04 € |
| Goizueta | 133.094,04 € |
| Igantzi | 113.765,43 € |
| Ituren | 110.843,51 € |
| Leitza | 501.264,21 € |
| Lesaka | 438.752,57 € |
| Oiz | 29.791,24 € |
| Saldias | 36.071,23 € |
| Sunbilla | 131.422,55 € |
| Urdazubi | 78.787,12 € |
| Urroz | 36.412,85 € |
| Zubieta | 61.107,91 € |
| Zugarramurdi | 61.595,05 € |
| Osotara | 4.705.727.19 € |
2023rako aurreikusitako 289 milioien banaketa
289 milioi euro horietatik 221,4 milioi udalei eta kontzejuei bideratuko zaizkie, Finantzaketa Orokorreko Funtsaren bidez, ohiko gastuei aurre egiteko. Banaketaren formula berriak 9 aldagai ditu, eta horiek horrela, 2.500 biztanletik beheitiko udalerrietan, biztanleriaren araberako banaketa proportzionala handitu egiten da, tarteen araberako zenbateko finkoekin. Horrela, bermatzen da udal guztiek, ttikiak izan arren, guttieneko zenbateko bat izanen dutela entitate guztiendako oinarrizko gastu komunei aurre egiteko, eta ez daudela biztanle kopuruaren mende.
Bertze 22 milioi euro toki erakundeen artean banatuko dira, Zerbitzuak Finantzatzeko Funtsaren bidez, 0-3 urteko ikastetxeei, Haur eta Lehen Hezkuntzako ikastetxe publikoei eta liburutegiei dagozkien zerbitzuen arabera.
Gainera, sortu berri den Lurralde Kohesiorako Funtsak 17,8 milioi euro banatzea aurreikusten du Nafarroako lurralde garapenean trakzio papera betetzen duten udalerrien artean. Funts horretatik hogeita hamar bat udalerrik hartuko dute onura: Iruñea, Tutera, Tafalla, Lizarra, Zangoza, Baztan, Altsasu, Viana, San Adrian, Azkoien, Gares, Irurtzun, Agoitz, Doneztebe, Bera, Leitza, Esteribar, Auritz/Burguete, Otsagabia, Izaba, Irunberri, Los Arcos, Lekunberri, Lodosa, Caparroso, Milagro, Corella, Cascante eta Cortes.
Azkenik, Montepioen Defizita Finantzatzeko Funtsetik 27,5 milioi euro esleituko dira Montepio Orokorraren defizit globala finantzatzeko, Iruñea, Tutera eta Tafallakoekin batera. Halaber, Nafarroako Udal eta Kontzejuen Federazioari dagokion diru kopuru bat gordeko da, aurten ia 500.000 eurokoa.