Urrezko Aizkolarien Binakako txapelketaren 23. edizioko finala jokatuko dute otsailaren 26an, igandean 12:00etan hasita Urrestillako Txikuri pilotalekuan. Jon Rekondo izanen da eskualdeko aizkolari bakarra finalean. Iker Vicenterekin eginen du bikote eta Julen Alberdi Txikia IV.a-Ioritz Gisasola Zelai IV.a, Mikel Larrañaga-Txomin Amundarain eta Hodei Ezpeleta-Jokin Urretabizkaia Basozabal izanen dituzte arerio.
Bikote bakoitzak hamabi enbor moztu beharko ditu, sei modalitatetan.
Urrezko harri-jasotze txapelketako finala
Urrezko Harri-jasotze txapelketa-Harri-jasotzaile azkarrena txapelketako finala ere jokatuko dute Mikel Lopetegi Urra, Paulo Azpiazu, Xabat Olaizola eta Hodei Iruretagoiena Izeta IV.ak. 125 kiloko laukizuzenarekin, 125 kiloko koparekin, 112,5 kiloko kubikoa eta 100 kiloko harri borobilarekin ariko dira, minutu eta erdiko txandetan.
Erakustaldiak aizkoran eta harri-jasotzen
Igande eguerdiko egitaraua ixteko, harri-jasotzen erakustaldia eginen dute Karmele Gisasola Zelai III.a, Lur Errekondo eta Lucia Orbe harri-jasotzaileek eta aizkoran, Nerea Sorondo beratarrak Nerea Arrutiren kontra eta Isidro Velascok Unai Etxeberria Osinalderen kontra.