Ados pilota elkartearen eskuz binakako pilota txapelketa azken txanpan sartua da eta asteburuan jokatuko dituzten finalerdietarako pilota aukeraketak egin dituzte dagoeneko Azpeitiko Izarraitz eta Iruñeko Labrit pilotalekuetan.
Larunbatean,18:00etan Azpeitiko Izarraitz pilotalekuan hasiko den jaialdian, promozio mailan, Galeano eta Arrastia, Ibarrolaren ordez ariko den Aranburu eta Insaustiren kontra ariko dira eta lehen mailako lehen finalerdian, Goiuri Zabaleta leitzarra eta Agirre, Ruiz de Infante eta Orbegozoren kontra ariko dira.
Igandean 11:30ean Iruñeko Labriten hasiko den jaialdiko lehen partidan, txapelketaz kanpo, Iturriaga eta Galeano, Aldaregia eta Mendibururen kontra ariko dira eta lehen mailako bigarren finalerdian, Barrocal eta Ruiz de Larramendi, Etxekolonea zubietarraren eta Mujikaren kontra.
