Zabaleta eta Etxekolonea Ados pilota elkartearen eskuz binakakoaren finalerdietan izanen dira

Ttipi-Ttapa 2023ko ots. 21a, 14:00

Inauteri bete betean, Tolosako Beotibar pilotalekuan jokatu zituzten Ados pilota elkartearen eskuz binakako pilota txapelketaren final laurdenetako partidak. Lehenbizikoan Ruiz de Infantek eta Orbegozok 22-16 irabazi zieten Aldaregia eta Mendibururi eta bigarrenean, Etxekolonea zubietarrak eta Mujikak 22-21 irabazi zieten Iturriaga leitzarrari eta Galeanori. Irudietan final laurdenetak unerik onenak dituzue ikusgai eta lotura honetan, final laurdenetako partidak osorik.

Finalerdiak larunbatean Azpeitian eta igandean Labriten

Gisa honetara, erabakiak gelditu dira larunbatean 18:00etan hasita Azpeitian eta igandean 11:30ean hasita Iruñeko Labriten jokatuko dituzten finalerdietako gurutzaketak.

Larunbatean, Azpeitian, promozio mailan, Galeano eta Arrastia, Ibarraolaren ordez ariko deen Aranburu eta Insaustiren kontra ariko dira eta lehen mailako lehen finalerdian, Goiuri Zabaleta leitzarra eta Agirre, Ruiz de Infante eta Orbegozoren kontra ariko dira.

Igandeko Labriteko jaialdiko lehen partidan, txapelketaz kanpo, Iturriaga eta Galeano, Aldaregia eta Mendibururen kontra ariko dira eta lehen mailako bigarren finalerdian, Barrocal eta Ruiz de Larramendi, Etxekolonea zubietarraren eta Mujikaren kontra.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun