Ados elkartearen binakako pilota txapelketako jardunaldi dotorea jokatu dute asteburuan

Ttipi-Ttapa 2023ko ots. 6a, 17:00
Etxekolonea pilota astintzen eta Etxebeste erantzuteko prest ortziralean Altsasun. Zubietarra gailendu zitzaion beratarrari. Argazkia: Eduardo Agirre

Ortziralean Altsasun, larunbatean Izurtzan eta igandean Antzuolan jokatuko dituzte partidak

Ados pilota elkarteak antolatutako eskuz binakako pilota txapelketako hainbat partida jokatu dituzte asteburu honetan. Ortziralean Altsasun, larunbatean Izurtzan eta igandean Antzuolan jokatu dituzte partidak eta guztietan izan dira eskualdeko pilotariak. 

Ortziralean Altsasuko Burunda pilotalekuan jokatutako jaialdiko lehen partidan, Naroa Etxekolonea zubietarrak eta Mujikak 22-15 irabazi zieten Irantzu Etxebeste beratarrari eta Capellani. Bigarrenean, berriz, Goiuri Zabaleta leitzarrak eta Agirrek 22-17 irabazi zietenRuiz de Infante eta Orbegozori.

 

Larunbatean, Izurtzan (Bizkaia), emaitza txarragoak izan zituzten eskualdeko pilotariek. Etxebeste beratarrak eta Capellanek 18-22 galdu zuten Aldaregia eta Mendibururen kontra eta Ruiz de Infantek eta Orbegozok 22-18 irabazi zieten Etxekolonea zubietarrari eta Mujikari

Igande goizean Antzuolan (Gipuzkoa), azkenik, promozio mailako partidan, Gordon eta Oskozek 22-17 irabazi zieten Ibarrola eta Insaustiri eta lehen mailakoan, Iera Iturriaga leitzarrak eta Galeanok erraz irabazi zieten Arrieta eta Zabalari, 22 eta 6.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun