Kategoria honetako lehen jardunaldiko tiraldi guztiak irabazi zituzten larunbatean Erandion eta Amaiur bosgarren izan zen
680 eta 640 kiloko txapelak jantzi ondotik, Euskal Herriko goma gaineko sokatira txapelketako 600 kiloko kategorian ere bide beretik hasi dira Beti Gazteko mutilak. Larunbatean Erandion (Bizkaia) jokatu zuten kategoria honetako lehen jardunaldia eta tiraldi guztietan nagusi izan ziren lesakarrak, 10 puntu eskuratuta.
Beti Gazteren ondotik sailkatu ziren Goiherri (9 puntu), Ñapurrak (8 puntu), Gaztedi (7 puntu), Abadiño (6 puntu), Amaiur (5 puntu), Txantrea (4 puntu), Zuraide (3 puntu), Ibarra (2 puntu) eta Antsoain (puntu 1).
Kategoria honetako bigarren jardunaldia otsailaren 12an, igandean jokatuko dute Abadiñon (Bizkaia) eta otsailaren 18an Berangon (Bizkaia) jokatuko dute finala.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.