Tunelen estaldura sendotzeko eta instalazioak egokitzeko egingo dituzte lanak Gorosmendiko (Iruñeko noranzkoan) eta Oindolarreko (Donostiarako noranzkoan) tuneletako obrak.
Obra horiek era seguruan egiteko eta autobia segurtasun neurri egokiekin irekita mantendu ahal izateko, bi tuneletan dauden hodiak itxiko dituzte, eta behin-behinean, tunel bakoitzeko beste hodietatik desbideratuko dute trafikoa. Lanak zortzi hilabeteren buruan bukatzea aurreikusi dute.
Desbideratze horiek era seguruan egiteko moztuko dute trafikoa asteburuan, ostiraleko 22:00etatik hasi eta igandeko 22:00ak arte. Errepidea itxita dagoen bitartean, ondorengo bideak hartzeko gomendioa egin dute:
- Lekunberrira edo Leitzara doazenek, GI-2135 errepidea (Tolosa-Lekunberri), Tolosatik barrena pasata, erabili ahal izango dute.
- Nafarroatik Gipuzkoarako ibilbide luzeetarako, N-1 errepidea Altsasuraino, ondoren, Irurtzunen A-10 autobia hartuz.
- Gipuzkoatik Nafarroarako ibilbide luzeetarako, A-15 autobiako erabiltzaileek N-1 errepidetik jarraitu beharko dute, Gasteizerantz, Altsasuraino, eta A-10 errepidetik Irurtzuneraino.