Giro ederrean bukatu zuten ostiralean Bertsuxurla gazteen bertso sariketak. Urtarrileko lau ortziraletan jokatu dute Ipar Euskal Herriko lau herrietan, eta denera hemezortzi bertsolari gaztek hartu dute parte. Saio guztiak afalondoan izan dira, eta ohiko txapelketatik kanpoko ariketak egin behar izan dituzte bertsolariek.
Urruñako Xaia ostatuan egin zuten finala, eta bertan Eki Mateorena eta Haira Aizpuruaz gain, Izaro Bilbao eta Ibai Lekuona, eta June Aiestaran eta Oier Urreizti bertsolariak aritu ziren kantuan.