Larunbat honetan Arraiozek, Erratzuk eta Leitzak hartuko dute Euskal Herriko Mus Txapelketaren lekukoa

Ttipi-Ttapa 2023ko urt. 27a, 16:00

Euskal Herriko XIV. Mus Txapelketako hiru kanporaketa jokatuko dituzte asteburu honetan eskualdean, hirurak larunbatean: Arraiozko Arizti elkartean, Erratzuko Zubi Punta ostatuan eta Leitzako Landaberri tabernan.

Orain arte jokatutakoak

Elizondoko Intza ostatuan abenduaren 11n jokatu zuten. Hamaika bikotek parte hartu zuten eta horietatik bi sailkatu dira Nafarroa Garaiko finalera: Xabi Karrikaburu-Kottoño Bengoetxea eta Garikoitz Larretxea-Aritz Alunda.

Oronozko Gaztelune elkartean abenduaren 29an aritu ziren musean eta parte hartu zuten hamar bikoteen artean, bik lortu dute sailkatzea: Bidane Apezetxea-Egoitz Gamio eta Urki Gortadi-Joxean Gortadi.

Elizondoko Amezti elkartean urtarrilaren 8an aritu ziren. Hamabi bikotek eman zuten izena eta horietatik bi sailkatu dira: Edurne Santesteban-Xabier Mihura eta Iker Plaza-Denis Lizasoian.

Donamariako Herriko Ostatuan joan den larunbatean, urtarrilaren 14an, jokatu zuten kanporaketa. Zazpi bikote bildu ziren, eta horien artean, Nuria Fuejok eta Enkarna Anduezak lortu dute sailkatzea.

Zubietako Herriko Ostatuan urtarrilaren 21ean aritu ziren. Lau bikotek parte hartu zuten eta Isabel Elizalde eta Leire Mariezkurrena izan ziren garaile. Beraiek izanen dira Nafarroako txapelketan ariko direnak.

Ondoko asteotan jokatu beharrekoak
  • Arraiozko Arizti elkarteak urtarrilaren 28an hartuko du lekukoa, 21:3oean.
  • Erratzun bi saio antolatu dituzte.
    • Urtarrilaren 28an Zubi Punta ostatuan, 22:00etan.
    • Otsailaren 11n Izpegiko Bereko Bentan 17:00etan.
  • Leitzan hainbat hitzordu iragarri dituzte:
    • Urtarrilaren 28an, Landaberri tabernan, 16:00etan.
    • Otsailaren 4an, Peritza tabernan, 16:00etan.
    • Otsailaren 11n, Txoko eta Leitzarra tabernetan, 16:00etan.
    • Otsailaren 18an, Leitzarra eta Txoko tabernetan, 16:00etan.
  • Lesakan ere bertze bi hitzordu prestatu dituzte:
    • Otsailaren 10ean 23:00etan Arrano elkartean
    • Otsailaren 12an Zantzonea ostatuan, 17:00etan.
  • Doneztebeko Shanti ostatuan otsailaren 10ean antolatu dute kanporaketa, 21:30ean.
  • Goizuetako Umore Onan ere prestatu dute kanporaketa, otsailaren 11n 16:00etan.
  • Igantzin ere bertze saio bat antolatu dute: otsailaren 24an Biltoki elkartean, 22:00etan.
  • Iruritako Gizarte Bilguneak ere bertze kanporaketa bat hartuko du: otsailaren 25ean, 20:0etan.

Horiek dira orain arte iragarri dituztenak.

Martxoaren 11n herrialdeetako finalak jokatuko dituzte Iruñean eta final haundia martxoaren 25ean Zornotzan (Bizkaia) eginen dute.

Sari ederrak
  • Bikote txapeldunak txapela, ikurra, 3.000 euro eta Karibera lau lagunentzako bidaia hartuko du saritzat.
  • Txapeldunordeek garaikurra, 1.500 euro eta bi lagunentzat Karibera joateko bidaia hartuko dute.
  • Hirugarren bikote sailkatuak 750 euro eta asteburu bateko egonaldia izanen du saritzat.
  • Laugarren bikote sailkatuak 500 euro eta euskaraz ikasteko urte osorako bi matrikula hartuko ditu.
  • Bortzetik zortzigarrenera bitarteko postuetan sailkatutako bikoteei 250 euro banatuko dizkiete.
  • Bederatzitik eta hamaseigarrenera bitarteko postuetan sailkatutako bikoteek 100 euro hartuko dituzte.

Horrez gain, herrialde mailako finaletan txapelak, garaikurrak, asteburuko egonaldiak, bazkariak eta afariak... banatuko dituzte.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun