Elizondoko kasuan, Arizkunenea kultur etxearen atarian eman daiteke izena. Gaur eta bihar 17:00etatik 21:00etara egonen da autobusa, eta ortziralean, goizez, 09:30etik 13:15era.
Leitzan, berriz, otsailaren 1ean, asteazkena, eta 7an, asteartea, plazara hurbilduko da, 16:45etik 21:00etara.
Odola emateko nahitaezkoa izanen da hitzordua hartzea, eta hori ADONAren webgunean edo 848 42 05 73ra deituta egin behar da.