Euskal Herriko zortzinakako sokatira txapelketako jardunaldia urtarrilaren 22an, igandean 11:30ean jokatuko da Burgelun (Araba) Gizonezkoen 640 kiloko eta emakumeen 540 kiloko bigarren jardunaldia izanen da.
640 kiloko kategoriako gizonezkoek joan den asteburuan jokatu zuten kategoria honetako lehen jardunaldia eta Beti Gazte nagusitu zen, Gaztedi, Zuraide A, Ñapurrak, Amaiur, Abadiño, Zuraide B eta Ibarraren aitzinetik. Emakumeen 540 kiloko lehen jardunaldia, berriz, urtarrilaren 8an jokatu zen Lesakan eta Ibarra nagusitu zen, Beti Gazte, Gaztedi, Badaiotz, Amaiur eta Abadiño gibelean utzita.
Bi kategoria hauetako finalak urtarrilaren 28an Pobesen (Araba) jokatuko dituzte.