«Sektore feminizatuen etengabeko prekarietatearen aurka» agertu dira berriz ere hiru sindikatuak. Bertzeak bertze, «ratio egokiak eta erabiltzaileen beharrak behar bezala asetzeko behar den denboraren araberako lan erritmoak» eskatu dituzte zahar etxetako langileentzat, baita «gaur egungo egoera ekonomikoaren araberako lansariak» ere; «mendekotasuna duten pertsonei laguntza integrala emateak eskatzen duen profesionaltasunari egokitutakoak, eta atsedenerako eskubidea errespetatzen duten urteko lanaldiak».
Bide beretik, «langileen oinarrizko eskubideak errespetatzea» nahi dute, eta Nafarroako Gobernuari «patronala presionatzeko behar diren neurriak hartzeko» exijitu diote, «eta Parlamentuko agintaldi berria hitzarmena sinatuz gauzatzeko».