Euskaraz komunikatzeko guttieneko maila dutenek hizkuntza praktikatzeko tarte bat izatea da Mintzapraktika egitasmoaren helburua, Euskaltzaleen Topaguneak sustatuta. Astean behin, bidelariak eta bidelagunak talde ttikitan elkartzen dira euskaraz aritzeko. Bidelariak euskaraz ikasten ari direnak edo praktikatuz ohitura berreskuratu nahi dutenak dira. Bidelagunak, berriz, euskara aise erabiltzen dutenak dira, ikasten ari direnei praktikatzen laguntzeko borondatearekin.
Eskualdean Mintzalagun edo Solaslagun taldeak Donezteben, Lesakan, Beran eta Elizondon daude eta 2022/23 ikasturtean, bigarren epealdia zabaldu dute egitasmoan parte hartzeko. Urtarrilean zabalik egonen da izen-ematea, eta horretarako inkesta hau bete beharko da.