Bertsuxurla bertso sariketaren lehen kanporaketa egin zuten ortziralean Atharratzen. Eki Mateorena leitzarra eta Haira Aizpurua saratarra gailendu ziren, publikoak hala ebatzita, eta urtarrilaren 27an Pausun jokatuko den finalerako txartela lortu dute. 40 lagun inguru bildu ziren afaldu eta saioa entzutera, biziki giro goxoa izan zen. Argazkiak: Bertsuxurla.
Txapelketetan ezohikoak diren ariketak egin zituzten, batzuetan publikoa parte hartzera bultzatuz. Agur irringarriak ez ezik, gai gehientsuenak umorezkoak izan ziren eta irribarre anitzetan ikusi zen bertaratutakoen bisaietan. Hurrengo kanporaketa Lekornen izanen da, ortziralean.