Orain artean, medikuak langile bati baja edo alta ematen dionean, honek enpresari aurkeztu behar izaten dio agiria. Apiriletik aitzinera, ordea, prozesu hori dena telematikoa izanen da.
Hori zehazten du ortzegun honetan Espainiako Estatuko Aldizkari Ofizialean argitaratutako errege-dekretuak. Dekretu hori apirilean sartuko da indarrean, eta une horretan martxan dauden eta 365 eguneko iraupena gainditzen ez duten prozesu guztiei aplikatuko zaie.
Hala, arauak dio medikuak baja edo altaren partearen kopia emango diola langileari. Osasun zerbitzu publikoak edo mutuak, berriz, Gizarte Segurantzako Institutu Nazionalari (INSS) bidaliko dizkio datuak, eta hark, aldi berean, enpresei jakinaraziko dizkie identifikazio-datu administratibo hutsak.