Nafarroako Pilota Federazioko Emakumearen Batzordeak sustatuta, hiru pilota modalitatetan aritu ziren Nafarroa osoko neskak: esku pilota (pilota goxuarekin eta mistoa), paleta goma (mollepelle pilotarekin eta gogorrarekin) eta frontenis. Baina 33 pilota partida jokatzeaz gain, besta ttiki bat ere izan zuten, kotilloi bateko osagarriekin eta jokuekin.
Neska ttiki eta gazteez gain, goi mailako pilotariak ere izan ziren Labriten. Gaur egun, paleta goman Munduko txapeldun den Maider Ardanazek, Munduko txapelketan parte hartu duen Uxue Murillok eta Nafarroako selekzioko Amaia Espinalek eta Paula Gorostiagak parte hartu zuten jokoetan.