Urtarrilaren 6an, ortziralean Atharratzeko Prefostan hasiko da ekimena, eta bertan ariko dira kantuan Sarako Haira Aizpurua eta Leitzako Eki Mateorena, Josu Txoperena lesakarra eta Irantzu Idoate, eta Ekhiñe Zapiain beratarra eta Oihan Perez.
Hurrengo ortziralean, hilaren 14an Lekorneko Etxebarne ostatuan eginen dute bigarren saioa. Bertan Irati Alcantarilla eta Beñat Astiz, Oier Urreizi eta June Aiestaran eta Maite Sarasola eta Jon Mendiluzek kantatuko dute.
Bukatzeko, azken saioa urtarrilaren 20an izanen da Erratzu eta Baigorri arteko Izpegiko Bereko Bentan. Bertan, Maddi Aiestaran eta Unai Anda, Izaro Bilbao eta Maddi Agirre eta Ibai Lekuona eta June Diaz ariko dira.
Finala, aldiz, Pausuko Xaia ostatuan eginen dute urtarrilaren 27an, eta saio bakoitzeko bikote irabazleak kantatuko du bertan.
Afari ondoko saioak izanen dira denak, eta Xalbat Altzugarai eta Leire Casamajou ariko dira gai jartzaile lanetan.