Abenduko lehen asteburuan kirol jardunaldi murritza izan dute eskualdeko kirol taldeek. Eta beharrik, erran beharko, gehienek emaitza kaxkarrak lortu dituztelako. Errugbian, erraterako, orain arteko partida guztiak irabaziak zituzten Sarako Izarra taldeko gizonek nahiz emakumeek eta larunbat honetan biek galdu egin dute etxean, baita BRT Menditarrak taldeak Lekarozen ere. Futbolean ere berri on gutti izan dira: Leitzako Aurrerak irabazi egin zuen, baita Baztango jubenilek ere, baina Beti Gazte, Baztan eta Doneztebeko futbol talde nagusiek golik sartu gabe erraz galdu zuten, baita erregionaleko Baztanek eta Beti Gazteko jubenilek ere. Orokorrean, beraz, jardunaldi murritz bezain kaxkarra izan da.
FUTBOLA
Gipuzkoako Ohorezko maila
- Zumaiako 5 - Beti Gazte 0
Nafarroako lehen maila autonomikoa
- CD Peña Azagresa 4 - CD Baztan 0
Nafarroako Preferente maila
- UCD Burlades B 0 - Aurrera KE 1 (Jon Vazquez)
- CD Amigó 3 - Doneztebe FT 0
Nafarroako Erregionaleko lehen maila
- Baztan B 2 – San Jorge JD 5
Jubenilak Euskal Liga
- Beti Gazte 0 – Antiguoko C 4
Nafarroako jubenilen lehen maila
- CD Baztan 2 – CD Kirol Sport 1
ERRUGBIA
Euskal liga, gizonezkoak senior lehen maila
- Sarako Izarra RT 13 – Eibar RT 24
- BRT Menditarrak 24 – Universitario Bilbao Rugby 28
Euskal liga, emakumeen ohorezko B maila
- Sarako Izarra RT 5 – Getxo RT 26