Nafarroako lehen mailako aizkora txapelketaren finala jokatu dute azaroaren 18an, ortziralean 18:00etan Doneztebeko Ezkurra pilotalekuan, Doneztebeko feria-egitarauaren barrenean. Lekunberrin urriaren 12an egindako finalaurrekoan erabaki zen boskotea lehiatuko da bertan: Otsagabiko Iker Vicente, Arribeko Ibai Soroa, Arribeko Txomin Amundarain, Errazkingo Eneko Saralegi eta Zigako Joxean Etxeberria.
Aizkolari bakoitzak hamar enbor moztu beharko ditu: lau kanaerdiko, lau 60 ontzako eta bi oinbiko.
Txapelketa honekin batera, Mikel Lopetegi ‘Urra’ eta Lierni Osa harri-jasotzaileen erakustaldia ikusteko aukera izanen dute herri kirol zaleek. Jaialdira sartzea 15 euro gostako da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.