Lekunberrin larunbat arratsaldean jokatu zen Australia eta Euskal Herriko aizkolarien arteko desafioa eta irabazlerik eta galtzailerik gabe bukatu zela erran daiteke. Izan ere, Lawrence O’Toole eta Glen Gillan, Iker Vicente eta Mikel Larrañaga baino bizkorragoak izan ziren abiadurako lehen hiru probetan, baina laugarren eta azken proba luzera (lau kanaerdiko moztea) indarrik gabe ailegatu ziren australiarrak.
Hortaz, bi bikoteak nahasiak aritu ziren erakustaldiko proban. Iker Vicentek O’Toolekin moztu zuen eta Mikel Larrañagak Gillanekin.
Erakustaldiaz gain, 2022ko Urrezko Aizkolari Kopako lehen kanporaketa ere jokatu zuten Lekunberrin sei aizkolarik, tartean, Joxean Etxeberriak. Zigakoak ez zuen hurrengo kanporaketarako sailkatzea lortu. Ibai Soroak, Xabier Zalduak eta Julen Larrea III.ak eskuratu dute hurrengo kanporaketarako txartela.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.