Cederna Garalur Tokiko Ekintza Taldea Nafarroako Mendiko Tokiko Garapen Parte-hartzailerako 2023-2027 Estrategia lantzen ari da. Estrategia horren bidez, lurraldeko biztanleria eta erakunde garrantzitsuak bildu nahi dituzte, eremu osoaren garapena bultzatuko duten proiektuak eta ekintza-ildoak diseinatzeko. Horretarako, 7 milioi euro baino gehiago izanen ditu Europako funtsetatik, Estrategia gauzatzeko finantzazioa emateko eta datozen urteetan Nafarroako Mendialdean aldaketa-neurriak aktibatzeko.
Lehenik eta behin, mendi osoaren diagnostikoa egin da, eta, azkenean, AMIA azterketan laburbildu da: nekazaritzako elikagaien sektorea, turismoa, merkataritza eta zerbitzuak, Natura-ondarea eta natura-guneen kudeaketa, basogintza eta energia, Enplegua, ekintzailetza, enpresa-sendotzea, artisautza eta industria, Ondarea, kultura eta euskara, Bizi-kalitatea (azpiegiturak, berdintasuna, oinarrizko zerbitzuak).
AMIAren azterketa lurraldeko funtsezko eragileekin alderatu da, irailean Donezteben, Irunberrin, Ariben eta Irurtzunen egin diren lau Lurralde Mahaien bidez. Gainera, Mahai horietan proposamenak jasota, ondoren, urriaren hasieran, sei mahai sektorialak eginen dituzte (zehaztutako sei sektoreetako bana). Mahai horietan adituek hartuko dute parte, Nafarroako Mendi osoko gaiak berariaz ezagututa.
Prozesu osoarekin batera, nahi duen orok Cederna Garalurren webgunearen bidez egin ahal izanen du. Bertan, prozesuan parte hartzeko inprimaki bat egonen da eskuragarri.
Ibon Mimentza Cederna Garalurreko gerenteak nabarmendu duen bezala, hau benetako aukera da Nafarroako Mendialdeko erronkei irtenbideak eman diezazkieketen proiektu guztiak martxan jartzeko. Eta hori egiteko, ez dago modu hoberik bertan lan egiten duten eta bertan bizi diren pertsonak kontuan hartzea baino.
Guztira, 150 pertsonek baino gehiagok parte hartzea espero da Plana egiteko prozesu parte-hartzailean, herritar guztiek beren beharrak eta iritziak ikus ditzaten eta lurraldeari lotutako proiektuak diseina daitezen, eskualdeko erronkei benetako erantzuna emateko.
Cederna Garalurri buruz
Cederna Garalur 1991n jaiotako Tokiko Ekintza Taldea da, eta «Nafarroako Mendiaren» garapen sozioekonomikoa bultzatzea du helburu, hau da, pertsonen bizi-kalitatea nabarmen hobetzen duten tokiko eta eskualdeko politikak eta ekintzak babestea, zerbitzu publiko eta pribatuen sarea sendotuz, biztanleria landa-ingurunera erakartzeko eta mantentzeko.
Tokiko Ekintza Talde gisa, Cederna Garalurrek Nafarroako Mendiari ematen dion balio erantsia Nafarroako Mendialdeko eragile publiko, ekonomiko eta sozialekin lankidetza estuan eta eragile horien arteko sinergiak sortuz egiten duen lana da. Horrela, bere 25 urte baino gehiagotan zehar, Cederna Garalur Elkartea ezinbesteko tresna bihurtu da tokiko garapenean, lurraldearen ezagutza biltzen duena, beharrak identifikatuz, esperientziak partekatuz, irtenbideak eskainiz eta baliabideak optimizatuz.
Egin diren Lurralde mahaiak:
- Baztan-Bidasoa: Doneztebe, irailaren 20an.
- Zangoza-Pirinio aurreko arroak: Irunberri, irailaren 21ean.
- Pirinioak: Aribe, irailaren 21ean.
- Mendialdea-Sakana: Irurtzun, irailaren 22an.
Mahai sektorialak:
Azkenik, honela banatu dira mahai sektorialak:
- Ondarea, kultura eta euskara: Irunberri, Urriaren 4an, asteartean 11:00etan.
- Lehenengo sektorea, elikadura eta energia subiranotasuna: Irurtzun, urriaren 5ean, asteazkenean 9:30ean.
- Turismoa, merkataritza eta zerbitzuak: Antsoain, urriaren 6an, ortzegunean 12:00etan.
- Natura-ondarea eta naturguneen kudeaketa: Irurtzun, urriaren 5ean, asteazkenean, 12:00etan.
- Enplegua, ekintzailetza, enpresa-finkapena, artisautza eta industria: Antsoain, urriaren 6an, ortzegunean 9:30ean.
- Bizi-kalitatea: Larraintzar, urriaren 7an, ortziralean 11:00etan.
Mahai horietara sektore bakoitzeko aditu eta erakunde garrantzitsuek eta Cederna Garalur elkarteko bazkideak gonbidatu dituzte,