Iera Iturriaga leitzarrak eta Mujikak irabazi dute Gasteizko festetako pilota partida

Ttipi-Ttapa 2022ko abu. 9a, 19:00

Iturriaga leitzarra eta Mujika garaile suertatu ziren Gasteizko bestetan igandean jokatutako partidan.

Gasteizko besten barrenean, Luken blusa kuadrillak antolatutako pilota partida jokatu zuten igande arratsaldean Ados pilota elkarteko Iera Agirre Iturriaga leitzarrak eta Mujikak, Ruiz de Infante eta Ruiz de Larramendiren kontra. Foru Plaza gainezka zela, giro ezin hobean, Iturriaga eta Mujikaren esperientzia nagusitu zen eta 22-15 irabazi zuten.

Mendigorrian eta Latasan plazaz plaza

Ados pilota elkarteak bigarren aldiz antolatutako Plazaz Plaza txapelketari dagokionez, larunbatean Mendigorrian jokatutako partidan, Naroa Elizalde Etxekolonea zubietarrak eta Mujikak 22-20 irabazi zieten Arrieta eta Mendibururi.

Mendigorrian partida gehiena gorriek kontrolpean izan bazuten ere, azkenean urdinak nagusitu ziren.

Abuztuaren 7an, igande goizean Latasan jokatutako partidan, berriz, bertako alabak, Andrea Aldaregiak, Orbegozorekin bikote eginez 22-16 irabazi zieten Leitzako Goiuri Zabaletari eta Zabalari. Aurretik, Ados elkartearekin entrenatzen duten neska txikien partida ere jokatu zuten.

Latasan ere esperientzia nagusitu zen eta Garazi Zabaleta leitzarrak ez zuen garaipena lortzerik izan.

Kirola Leitzaldea Malerreka Leitza Zubieta

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun