Mendigorrian eta Latasan jokatuko dituzte Plazaz Plaza txapelketako partidak asteburuan

Naroa Elizalde Etxekolonea zubietarra Mendigorrian ariko da larunbat arratsaldean.

Eskualdeko pilotariei dagokienez, Naroa Elizalde Etxekolonea zubietarra larunbat arratsaldean ariko da Mendigorrian eta Goiuri Zabaleta leitzarra igande eguerdian Latasan.

Ados pilota elkarteak antolatutako Plazaz Plaza txapelketako jardunaldi bikoitza jokatuko da asteburu honetan. Abuztuaren 6an, larunbatean 18:00etan Mendigorrian, Naroa Elizalde Etxekolonea zubietarra eta Mujika, Arrieta eta Mendibururen kontra ariko dira. Abuztuaren 7an, igandean 12:00etan Latasan, berriz, Aldaregia eta Orbegozo, Goiuri Zabaleta leitzarraren eta Zabalaren kontra ariko dira

Datozen egunetan Leitzan, Areson eta Zubietan

Txapelketa honetako hurrengo jardunaldia abuztuaren 12an, datorren ostiralean 12:00etan jokatuko dute Leitzan eta herriko bi pilotarik bikote eginen dute gainera: Goiuri Zabaleta Rodriguez eta Iera Agirre Iturriaga, Etxegarai eta Orbegozoren kontra ariko dira. Abuztuaren 14an Azagran jokatuko dute Etxegarai eta Zabalak, Irantzu Etxebeste Iantzi beratarraren eta Orbegozoren kontra. Abuztuaren 15ean, 13:00etan Areson jokatuko den jardunaldian, Barrocal eta Mendiburu, Arrieta eta mujikaren kontra ariko dira. Abuztuaren 16an Eltziegon eskualdeko hiru pilotari ariko dira: Goiuri Zabaleta leitzarra eta Ruiz de Larramendi, Irantxu Etxebeste Iantzi beratarraren eta Iera Agirre Iturriaga leitzarraren kontra. Abuztuaren 18an, eguerdian Zubietan, Naroa Elizalde Etxekolonea zubietarra eta aita zubietarra duen Ane Mendiburu, Arrieta eta Agirreren kontra ariko dira.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun