Zarauzko erremonte txapelketa berria asteburuan jokatuko dute

Zarauzko txapelketan parte hartuko duten erremontistetako batzuk, atzo hondartza ondoan.

A multzoan Aritz Zubiri goizuetarra Urrizarekin ariko da eta Ezkurra II.a eta Juaneneak bikote eginen dute

Zarautz Erremonte Txapelketa berria aurkeztu zuten atzo. Uztailaren 28, 29 eta 30ean jokatuko dute, ortzirale, larunbat eta igandean 17:30ean Aritzbatalde pilotalekuan. Hiru egun horietan bi txapel izanen dira jokoan. A multzoan ariko dira erremontista onenak, lau bikote eta B multzoan ariko dira bertze lau bikoteak.

Uztailaren 29an, ortziraleko lehen finalerdietan, A multzoan Aldabe eta Barrentxea IV.a, Ansa II.a eta Azpirozen kontra ariko dira eta B multzoan Zaldua eta Martirena, Etxarri eta Labakaren kontra.

Uztailaren 30ean, larunbatean jokatuko dituzte bigarren finalerdiak: A multzoan Urriza eta Aritz Zubiri goizuetarra, Josetxo Ezkurra II.a doneztebarra eta Aritz Juanenea saldiastarraren kontra eta B multzoan Goikoetxea V.a eta Odei, Loitegi eta Oier Apezetxea goizuetarraren kontra.

Finalerdietako irabazleek finalak jokatuko dituzte igandean, 17:30etik aitzinera Aritzbatalden.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun